Að mæta eða ekki að mæta í vinnu???

Ég veit ekkert um vonda yfirmenn en ég get sagt það að ég hef aldrei skilið fólk sem að hringir sig inn veikt þegar það er það ekki. Og en frekar get ég hneykslast á fólki sem að hringir sig inn veikt ef að það er ÞUNNT!!! ÞAAAð elskurnar mínar er sjálfskaparvíti og telst ekki sem veikindi af neinu tagi. Ef að manneskja á að mæta í vinnu þá væntanlega veit hún það með margra daga og vikna fyrirvara og ætti ekki að drekka svo mikið áfengi að það geri einhvern veikan....það þarf enginn að segja mér það að hann viti ekki takmörk sín ef að hann ætlar á annað borð í eitthvert mikilvægt boð kvöldið fyrir vinnudag, því miður hef ég enga samúð með þessu fólki.

Sérstaklega finnst mér skítt að þetta fólk er einhver staðar til þarna úti og er að koma óorði á annað fólk sem að er samviskusamt. Sem manneskja á milli tvítugs og þrítugs finnst mér þetta alveg ferlega óþolandi af því að það hefur komið fyrir mig að ég verð veik um helgi og get ekki mætt í vinnu þá og það er bara STIMPLAÐ á mann "jaaaá já...þessi hlýtur að hafa verið á fillerýi í gær".....maður þarf eiginlega að MÆTA til þess að sýna frammá að maður sé í alvöru veikur en ekki þunnur eins og flestir halda að maður sé ef að maður getur ekki hunskast í vinnu á laugardegi eða sunnudegi. En þessi stimpill er líka bara settur á fólk sem að er á það sem kallast "djamm-aldrinum".

Annars hef ég unnið á þó nokkrum vinnustöðum með mismunandi góðum yfirmönnum og ég get alveg sagt það að það þýðir EKKERT að vera eitthvað að reyna að - hefna sín- á þeim slæmu því að þeim gæti ekki verið meira sama.....nema þú farir að standa þig það illa í vinnunni að það sé eftirtektarvert....þá reka þeir þig bara (ekki það að ég hafi verið rekin....) en segjum sem svo að ein persóna sé að vinna að einhverju verkefni sem að hann/hún þarf að ljúka og sé vísvitandi að vinna það illa þá kemur það bara henni/honum sjálfum í koll seinna...því að það er enginn annar sem að á að vera að gera þetta. Eins og ég segir......leiðinlegir yfirmenn eru nú bara þannig gerðir að þeim er -~{skíííítsama}~- svo að persónulega held ég að fólk ætti bara að vinna vinnuna sína og gera það vel og mæta vel...því að ef að þér líkar ekki vinnan þín þá geturu bara hunskast til þess að fá þér aðra vinnu því að það er ÞÚ sem að velur hana og enginn annar

Ég vona innilega að ég hafi ekki verið að særa neinn með þessu bloggi en ef að svo er......ættiru þá ekki að hugsa um hvort að þú sért í réttri vinnu???

Góðar stundir

Hefna sín á slæmum yfirmönnum með því að svíkjast um

Athugasemdir

[halkatla, 11.10.2007 kl. 09:57]

það er engin ástæða til að taka vinnuna sína eitthvað svakalega alvarlega ef maður er bara lágtsettur undirmaður en auðvitað er það rétt að það á ekki að vera með nein svik, það er bara slæmt fyrir mann sjálfan. Annars er þetta með þynnkuna ábyggilega vegna þess að sumt fólk er bara veikt af áfengisfýkn og getur ekki stjórnað drykkjunni, en þá er það reyndar líklegra til þess að geta mætt þunnt í vinnuna, þannig að þetta er allt dáldið flókið - sumir eru síðan bara vitlausir og fatta ekki þetta sem þú ert að benda á

[Hjördís Ásta, 11.10.2007 kl. 13:27]

úpps...ég á nú að kunna að skrifa fyllerí ehem hem